YagnaTathwa Prakashika -012

 

॥ श्रीः॥ 

॥ श्रीगणेशाय नमः ।। 

॥ यज्ञतत्त्वप्रकाशः ॥ 

महामहोपाध्यायश्रीचिन्नस्वामिशास्त्रिविरचितः अग्न्याधेयादिचातुर्मास्यान्तहविर्यज्ञनिरूपणरूपः ॥

 प्रथमो भागः ॥

चञ्चचन्द्रकलानिरन्तरवहत्पीयूषधारोक्षितो गङ्गोत्तुङ्गतरङ्गभङ्गनिवहक्लियत्कपर्दोज्ज्वलः । कल्याणैकनिधिर्जगत्यसुमतां तापत्रयोन्मूलनं कुर्वन्छ्रेय इहादधातु जगतां क्षेमकरश्शङ्करः ॥ १ ॥ 

जगस्थित्युद्भवलया यत्प्रसादादनेकधा । तं नौमि परमात्मनं यज्ञेशं यज्ञरूपिणम् ॥ २ ॥ 

यज्ञानां प्रक्रिया ह्येषा हसिमानमुपागता । उद्धर्तुमेनां यत्नोऽयं प्रीणन्तु सुधियोऽमुना ॥ ३ ॥ 

अग्न्याधेयम्

 एवं तावत् सर्वेषां श्रौतकर्मणाम् उत्पत्तिविकासादिनिरूपणद्वारा सामान्यस्वरूपं निरूपितं किञ्चित् सामान्यकाण्डे । इदमिदानी विशेषतस्तेषामेव विविच्य अवगमनाय प्रयत्यते । तत्र तावद्वेदोदितानि सर्वाण्यपि श्रौतकर्माणि कृतदारेण आहितामिना अनुष्ठेयानीति शास्त्रसिद्धान्तः । आहिताग्निस्तु विधिवत् श्रुतिविहितमाधान योऽनुतिष्ठति स एव भवति । अतस्तदेव पूर्व निरूप्यते ॥ 

आधानं त्रिविधम्- होमपूर्वाधानम् , इष्टिपूर्वाधानम् , सोमपूर्वाधानं चेति । तत्र, अग्निहोत्रारम्भं करिष्यन् ततः पूर्वं यदाधानं करोति .